Во пукањето во Чаир ликвидиран Јонуз Идризи, брат на скопјанецот кој лани беше убиен со испукани 80 куршуми

Од:

Пукањето во скопски Чаир каде загина скопјанец се случило дваесет минути пред десет часот. Полицијата вели дека две лица пукале од автоматско оружје во угостителски објект. Убиениот е Јонуз Идризи, брат на Камер Идризи кој во мај минатата година беше убиен на раскрсницата од булеварите „Босна и Херцеговина“ и „Христијан Тодоровски-Карпош“. Во престрелката вчеравечер, повредени се уште две лица.

„Со повреди се здобиле М.А.(43) и Л.Ш.(42) од Скопје, кои биле пренесени во Градската општа болница „Св.Наум Охридски“ за укажување на лекарска помош. Додека во Комплексот клиники „Мајка Тереза“ со повреди-исекотини на раката бил донесен А.И.(30) од Скопје. Увид на местото извршиле полициски екипи и се преземаат мерки за пронаоѓање на сторителите и за расчистување на случајот“, велат од МВР.

Јонуз Идризи е најстариот брат на Камер Идризи, кон кого пак, лани беа испукани 80 куршуми. Камер Идризи беше едно од лицата врз кое беше пукано во хотелот „Александар Палас“ во 2019 година.

Извршителите на сите три престрелки, не се пронајдени.

Би можело да ве интересира

Во дворот во куќа во Ајватовци садел канабис, во спалната имал комора за сушење

Катерина Ѓуровски

Пратеникот на Левица Сашко Јанчев е приведен, учествувал во сообраќајка, повредени се двајца малолетници

Катерина Ѓуровски

Работник загина во делчевска фабрика, Кинез усмртен од кран во погон во Кавадарци

Катерина Ѓуровски

Охриѓанец го запалил глисерот на брат му, огнот зафатил и зграда

Катерина Ѓуровски

18-годишник двапати се степал во иста вечер, извадил и пиштол

Катерина Ѓуровски

Кавадарчанец пронајден починат во викендичка, телото на обдукција