Во населбата Млаки, Гостивар, во саботата затекнат бил осомничениот кој вршел продажба на наркотична дрога марихуана. Тој побегнмал при обидот да се пресретне и да се претресе. Во полициска акција по половина час е лишен од слобода осомничениот, дваесет и осум годишен државјанин на Република Албанија со место на живеење во Добри Дол, информира Основното јавно обвинителство – Гостивар.
„По наредба на јавен обвинител од Основното јавно обвинителство – Гостивар извршен е претрес во куќата каде живеел осомничениот при што е пронајдена дрога во вкупна тежина од 3 884,2 грама. Обвинителството поведе постапка против осомничениот за сторено кривично дело – Недозволено производство и пуштање во промет на наркотични дроги, психотропни супстанции и прекурсори од член 215 од Кривичниот законик. Воедно, поднесен е Предлог за определување на мерката – Притвор за осомниченото лице со оглед на тоа што се исполнети законските основи.
„Основниот суд – Гостивар со Решение го прифати предлогот на обвинителството и на осомничениот му е изречена мерка – Притвор во времетраење од 30 дена.“, се наведува во соопштението.