Во центарот на Прилеп денеска официјално ќе се потврдува најавениот гинисов рекорд во најголема перница на светот.
На плоштадот „Методија Андонов Ченто“, од 13 до 16 часот организаторот, прилепската компанија за постелнини „Комфи Ангел“ со логистика на локалната самоуправа пред граѓаните ќе ја полни џиновската перница.
Според најавите, за да биде Гинисов рекорд, перницата треба да биде поголема од 15 метри. Организаторите информираат дека перницата ќе биде најмалку со димензии 17,90 на 17,90 метри и потешка од 5 тони. По полнењето на перницата и официјално ќе се верификува рекордот од гинисов претставник.
Потоа, организаторот на присутните ќе им дели реплика на перницата, а во центарот на Прилеп ќе биде организирана забавна програма на која ќе настапат Калиопи и „Пламенка квартет“.