Ресторан и возила изгореа утринава во голем пожар во Скопје. Два часа пожарникарите интервенирале на огнот кој што ја зафатил изгорената куќа- ресторан, а којшто се прошил и на патнички возила паркирани на улицата Дане Карпчев број 1.
Пожарот, како што информираат од Противпожарната единица на Град Скопје избувнал во 2.55 утринава, а бил локализиран во 4.55 часот.
Опожарени се 250 квадратни метри, но се уште не е утврдена предизвиканата материјална штета. За гаснење на пожарот било интервенирано со 8 возила и 18 пожарникари.