Пожар избувна утрово во куќа на улицата „Прилепска” број 10 во Кавадарци. Изгоре целиот покрив и таваницата од целиот спрат.
Сопственикот спиел на долниот спрат кога пожарот ја зафатил куќата.
– На нашите две противпожарни возила на помош при гаснењето на пожарот им дојдоа возила од противпожарните единиците на “Фени индустри” и пожарната од Неготино. Еден од нашите пожарникари беше повреден при интервенцијата па побара лекарска помош, изјави командирот на територијалната противпожарна единица во Кавадарци Илчо Богевски.
Според првичните сознанија можно е причината за пожарот да е во електричната инсталација или оџакот.
