Во пожар на улица „Личка“ во населбата Кадидаре утринава околу девет часот изгоре кат од семејна куќа. Според првичните информации пожарот бил предизвикан од неисправна електрична инсталација.
Командирот на ТППЕ – Штип, Благој Ренџов вели дека веднаш по добиениот повик од соседите пожарникарите со две противпожарни возила интервенирале и го изгаснале пожарот.
Според првичните проценки настаната е голема материјална штета, бидејќи изгорела целата покуќнина на семејството кое живеело на катот од куќата.
Пожарот се случил додека членовите на семејството биле на своите работни места, а огнените јазици ги забележале соседите.
