Во понеделник, на 4. август, советниците на општина Центар повторно ќе расправаат за двата спорни ДУП-а, од кои едниот е изградба на десеткатница на Водно. А1он дознава дека претседателот на Советот Мирослав Шиповиќ ја потпишал одлуката за седницата во петокот, откако решенито му било однесено на потпис на местото каде што се одмара.
Шиповиќ го испочитува 15 дневниот рок за закажување на седницата, бидејќи градоначалникот на општина Центар Андреј Жерновски не ги потпиша плановите, со оглед дека се спротивни на Законот за локална самоуправа. ДУП-овите беа изгласани со гласовите на 11 советници од вкупно 23, а спред законот, прописите се носат со мнозинство гласови од вкупниот број советници. И министерот за локална самоуправа, од редовите на ДУИ беше јасен дека двата ДУП-а не се изгласани.
Сега од гласот на Шиповиќ ќе зависи дали десеткатницата на Водно ќе добие виза за изградба или нема. Доколку тој остане на ставот да гласа повторно против, плановите нема да поминат, но доколку го промени ставот и се приклучи кон мнозинството на ВМРО-ДПМНЕ, тогаш со неговиот глас ќе плановите ќе бидат полноважни.