Министерот за транспорт и врски Миле Јанакиески и градоначалникот на Петровец Борче Митевски денеска беа на увид на местото каде се гради канализациска мрежа во оваа општина, во должина од два и пол километри.
– Ова е прв зафат за изградба на канализација во општината Петровец. Се работи за канализациски систем од примарна и секундарна мрежа. Инвестицијата е приближно околу 250 илјади евра, а овој систем ќе го користат околу 1.200 жители на Петровец. Ова е дел од програмата на градоначалникот на општина Петровец, кој Владата го поддржува, изјави министерот Јанакиески.
Градоначалникот Митевски потенцираше дека ова е остварување на едно од неговите предизборни ветувања.
– Прв пат во општина Петровец, односно населеното место Петровец, започнавме со поставување фекална канализација, која опфаќа околу 30 отсто од населеното место на Петровец. Ова е едно од моите предизборни ветувања, рече Митревски.
По завршувањето на првата фаза, како што додаде, општината има аплицирано за изградба на втората фаза, која ќе го опфати населеното место Аражаничино и дел од Петровец.
– Во тек сме на распишување тендер за изградба на третата фаза која ќе го опфати влезот на Петровец до центарот на Општината, нагласи Митевски.
Тој додаде дека ова е само почетокот и оти понатаму ќе се пристапи кон остварување на сите ветени дела од програмата за општина Петровец.