Во Општина Кисела Вода се гради затворен пливачки базен и се реконструира трим патеката

Од:

Денеска градоначалникот Филип Темелковски и директорот на Агенцијата за млади и спорт, Дарко Каевски извршија увид во работните активности за изградба на затворен пливачки базен во училишниот двор на ООУ „Невена Георгиева-Дуња“, и на трим патеката во Општина Кисела Вода.

Како што информира Општина Кисела Вода, базенот кој го гради Агенцијата за млади и спорт ќе биде со широчина на корито 8,9 метри, должина 25 метри и длабочина од 0,8 до 1,2 метри. Габаритот на целиот објект е 31 x 21 м. Изградбата на базенот ќе чини 37.802.641 денари со вклучен ДДВ. Изведувач на градежните работи е фирмата Енерго инвест трејд – Скопје.

„По изградбата на училишниот базен кој на почетокот на минатиот месец почна да се гради во дворот на ООУ „Невена Георгиева – Дуња“, ќе се подигне свеста кај најмладите, а и кај останатите граѓани за водените спортови.

Воедно, во истовреме Агенцијата за млади и спорт во соработка со Општина Кисела Вода, во должина од повеќе од два километри врши градежни активности за проширување и целосна реконструкција на трим патеката, лоцирана покрај железничките пруги. И со оваа голема инвестиција, жителите на Кисела Вода конечно ќе добијат подобри услови за спортување, рекреирање, прошетки и дружба. Проектот за реконструкција на патеката е на Општина Кисела Вода. Додека се одвиваат градежните активности на трим патеката, Општината ги замолува граѓаните за трпение“, соопштуваат од Општината.

Би можело да ве интересира

(ВИДЕО) Напнато во Кисела вода: се руши куќата-лепенка со полициска интервенција

Габриела Димковиќ-Мишевска

Бесплатна помош за стари и изнемоштени лица во општините Кисела Вода, Шуто Оризари и Карпош

Ана Ололовска

Патот кон излетничкото место „Три круши“ целосно реконструиран и осветлен

Ана Ололовска

ВИДЕО: Нова градинка со капацитет за згрижување на 125 деца се гради во Драчево

Ана Ололовска

(ВИДЕО) Драма во Кисела Вода: Жена се онесвести во обид да спречи рушење на куќа

Габриела Димковиќ-Мишевска

Започна делењето на свидетелства во Кисела Вода

А1он