Денес во просториите на Општина Кисела Вода Институтот за економски стратегии и меѓународни односи – Охрид и Агенцијата за млади и спорт ќе одржат работилница за „Локално активно вклучување на младите во институциите“. Оваа работилница која е поддржана од страна на Општина Кисела Вода ќе започне во 15:00 часот.
Имено, целта на оваа работилница е да ја поткрене свесноста и знаењето кај младите за тоа што е политика, а што партија, како и што е партизираност, а што политизација.
Покрај ова, младите на оваа работилница ќе имаат можност да се стекнат и со вештини за создавање и пишување предлог проекти, како и да го збогатат своето знаење за процесот за креирање на политики.
Воедно, во периодот што следи работилници ќе се спорведат и во скопските општини: Карпош, Ѓорче Петров, Аеродром, Гази Баба, и Центар.