Советот на Општина Карпош на денешната 63 седница ги изгласаа двата детални урбанистички планови кои се однесуваат на Градската четврт Север-северозапад 01 во Злокуќани и на Градската четврт З 09 во урбаната заедница Владо Тасевски, меѓу булеварот Партизански одреси, улицата Франклин Рузвелт, како и булеварите. Македонија и 8-ми Септември.
Како што соопшти Општината, по презентацијата на планската документација, во дискусијата учествуваа советничката Добрила Андоновска од ГРОМ и независниот советник Панче Стојановски, додека советниците од СДСМ не покажаа никаков интерес по овие точки.
На седницата беа усвоени и останатите предлог-точки кои се однесуваат на Предлог-одлуката за воспоставување соработка меѓу Општина Карпош и Градот Скопје за изработка на заштитно-конзерваторски проекти, а со иста динамика беше усвоен и извештајот за јавната безбедност и безбедноста во сообраќајот на полициската станица од Карпош за 2016 година.