Во Охрид дводневен Меѓународен семинар за добро управување со единиците на локална самоуправа

Од:

Во организација на германската политичка фондација „Ханс Зајдел“, Бугарската асоцијација на општинските службеници и Меѓународната фондација „Балкан Нет“ од денеска во Охрид се одржува Меѓународен семинар за планирање на развојот на единиците на локалната самоуправа и позитивни практики во управувањето со општинскиот имот.

Во обраќањето пред учесниците на семинарот градоначалникот на Охрид Јован Стојаноски истакна дека се работи за активност од исклучително значење за локалните самоуправи оттаму што третира теми насочени кон успешен развој на единиците на локалната самоуправа.

– Развојот на општините, како примарни единици на непосредно остварување и практикување на демократските права на граѓаните, е од исклучително значење за поширокиот развој на заедницата. Во таа насока, обмисленото и одржливо планирање е незаменлив предуслов за општините, не само за секојдневното функционирање на општината и успешно сервисирање на граѓаните, туку и поглед кон иднината и одговорност за генерациите кои доаѓаат после нас, рече Стојаноски.

Во текот на дводневниот семинар учесниците и предавачите од Бугарија и Македонија ќе разменат искуства и практики на темата „Стопанисување со општинскиот имот“ и ќе бидат презентирани примери за добро управување на локалната власт.

Би можело да ве интересира

(ФОТО) Левица: Полициско насилство врз малолетници во Охрид – Tошковски молчи

А1он

Насилникот во Охрид пуштен, таткото на Сара од вчера  во полициска станица-правда мора да има

Предраг Петровиќ

„Татко му давал насоки како да се ослободи од телото“ – тврди мајката на претепаната девојка во Охрид

Катерина Ѓуровски

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

Лишен од слобода 49-годишник од Охрид, при претрес пронајдени дрога и пари

Скопјанка прегазена на улица во Охрид

А1он