Во МНР отворена Книга на жалост за загинатите во трагедијата во Кочани

Од:

Во Министерството за надворешни работи и надворешна трговија денеска беше отворена Книга на жалост за загинатите во страотниот пожар во Кочани, во кој животот го загубија 59 лица, а 155 се повредени.

Во Книгата на жалост прв се потпиша министерот за надворешни работи и надворешна трговија Тимчо Муцунски, а потоа се потпишаа бројни амбасадори и постојани претставници на меѓународни организации во државава.

Меѓу оние кои се потпишаа беа амбасадорката на САД Анџела Агелер, евроамбасадорот Михалис Рокас, амбасадорката на Шведска Ами Ларсон Џаин, на Хрватска Нивес Тигањ, на Франција Кристоф Ле Риголер, на Србија Невена Јовановиќ како и турскиот амбасадор Фатих Улусој.

Во Книгата на жалост се потпишаа и амбасадорката на Швајцарија Вероник Улман, како и постојаните претставници на Обединетите нации во земјава Рита Колумбија, на УНДП Армен Григорија и на Светската здравствена организација Аким Али.

Амбасадорите изразија длабоко сочувство до семејствата на жртвите и до сите граѓани, нудејќи поддршка и помош на државава во овие тешки мигови.

Би можело да ве интересира

Марш на ангелите во Кочани: Нашите деца загинаа затоа што системот потфрли!

А1он

Протестен „Марш на ангелите“: Овој случај да добие епилог, да не се заташка и заборави

ВИДЕО: Пет месеци по трагедијата, родителите на жртвите повторно маршираа во Кочани

Катерина Ѓуровски

Левица: Нечовечноста на Владата го остави за министер обвинетиот Шабан Салиу

16. Марш на ангелите во Кочани: До каде е постапката за полициските службеници за пожарот во „Пулс“?

Горан Наумовски

Апасиев го тужи Гаши за Надзорната расправа за трагедијата во Кочани