На територија на Куманово, Старо Нагоричане и Липково од почетокот на јуни, според Територијалната противпожарна единица на Куманово се регистрирани 110 интервенции.
-Само во првите четири дена од месец август бележиме 22 интервенции, што во просек изнесува над пет интервенции дневно. Во споредба со минатата година генерално гледано бележиме помал број на интервенции – изјави командирот на ТППЕ од Куманово, Дејан Илиевски, кој додаде дека повеќето пожари се на отворен простор.
Илиевски нагласи дека човечкиот фактор е главната причина за 90 проценти од пожарите и дека летово исто како и претходните години се вработени 20 сезонски пожарникари.
-Малку се чувствува недостаток на луѓе, бидејќи се вработени само 24 лица. Се надеваме дека наскоро ќе зголеми бројот на вработените и дека ќе излеземе на крај со предизвиците- истакна тој.
Елена Георгиевска