На подрачјето на Кумановско лани се случиле вкупно 506 пожари, информираат од Територијалната противпожарна единица Куманово. Во однос на 2011 година регистрирано е мало опаѓање, но споредено со претходните години бројката на пожарите е исклучително висока.
– Над 300 пожари се случија на отворен простор. Меѓу пожарите кои зафатија поголема површина беше пожарот во атарот на село Орашац, а останатите се пожари во урбана средина и на моторни возила, изјави Дејан Илиевски, командир на ТППЕ Куманово.
Меѓу покарактеристичните пожари што се случија минатата година беа пожарите на два одделни објекти на поранешната фирма „Житомел“.
Минатата година Противпожарната единица доби нови униформи за вработените. ТППЕ Куманово располага со осум специјални возила од кои две се наманети за гасење шумски пожари.
