Секторот за внатрешни работи Куманово и инспектори од Државниот инспекторат од Управата за јавни приходи, вчера спровеле контрола во осум спорстки обложувалници,при што констатирале дека во пет објекти од кои два во село Отља и по еден објект во селата Оризаре и Матејче во општина Липково и еден објект во локалитет „Серава“ во Куманово работеле нелегално без лиценца за работа ,издадена од Министертвото за финансии.
Објектите не поседувале решение за наплатно-исплатно место согласно Закнот за игри на среќа.
– Во сите овие објекти пронајдени се уплатни парични срдства во вкупен износ од 110.962 денари и 60 евра за кои се издадени уплатни ливчиња-тикети за спортски натпревари, изјави Валентина Николовска од СВР Куманово.
УЈП подготвила записници за констатираните неправилности согласно Законот за игри на среќа по што објектите се запечатени и пломбирани, додека уплатените парични средства, тикетите и техничката опрема телевизори, компјутери, монитори и друга опрема, со потврда се одземени.
СВР Куманово против организаторите и сопствениците на спортските обложувалници ќе поднесе соодветни кривични пријави.