Во кумановската болница вработени девет лекари и 12 медицински сестри

Од:

Нови девет лекари и 12 медицински сестри од денеска почнуваат со работа во Oпштата болница Куманово, информираа надлежните од јавната здравствена установа.

Поголем дел од нив ќе дежураат во Ургентниот центар, една лекарка ќе биде ангажирана на Инфективното одделение и една на Одделението за физикална терапија.

-Здравствениот персонал конкурираше на огласот од 24 јануари, по што следуваше жалбена постапка, па потоа се распушти Собранието. По почнувањето на состојбата со пандемијата, од Владата пристигна известување дека стопираните конкурси можат да се продолжат. Комисија ги отфрли приговорите, така што од денеска здравствениот персонал склучи договор на определено време со установата, изјави директорката на болницата, Снежана Захариева.

Вчера, беше укинат и посебниот режим на работа во Одделението за гинекологија и акушерство. Министерот за здравство, вчера информираше дека над 50 здравствени работници од 70 кои беа позитивни на Ковид 19 од болницата се вратени на работа.

Би можело да ве интересира

ДУИ бара оставки од Исен и Садики-Шаини после скандалот во Куманово

Горан Наумовски

(ВИДЕО) Мицкоски ги осуди скандирањата и ксенофобните испади на неколкумина во салата во Куманово

Горан Наумовски

Нормализиран сообраќајот на регионалниот пат Свети Николе – Куманово

Изгаснат е пожарот на депонијата „Краста“ во Куманово

Кумановец повреди двајца учесници на европските младински олимписки игри

Прекин на сообраќајот на регионалниот пат Куманово – премин Пелинце