Изборен пропаганден материјал, поставен на билборд од Коалцијата „За подобра Македонија“, лоциран покрај булеварот „Октомвриска револуција“ е оштетен.
Општинскиот комитет на ВМРО ДПМНЕ денеска одржа прес-конференција на која информираше за оштетувањето на пропагандниот материјал и ги повика надлежните институции, меѓународните и домашни организации и МВР да го расветлат и санкционираат ваквото однесување.
– Особено што министер на оваа министерство е од редовите на СДСМ, задолжен за фер и законско спроведување на изборниот процес, рече Марио Цветковски, претседател на УМС на ОК на ВМРО ДПМНЕ и кандидат за пратеник од втората изборна единица од редовите на ВМРО-ДПМНЕ.
Тој потсети дека од ВМРО-ДПМНЕ од Куманово, претходно укажале на како што рече, злоупотреба на локалните јавни претпријатија во изборната кампања од страна на СДСМ, за што, додаде, веќе се преземени мерки за институционална разрешница и санкционирање.
Тој информира дека граѓаните на Куманово се сведоци, на како што истакна, незаконско поставување на изборен пропаганден материјал од страна на СДСМ на локации кои не се соодветни и предвидени за таква намена.