Секторот за инспекциски надзор информира дека досега се заловени 486 кучиња скитници.Акциите за заловување се спроведуваат согласно распишаниот тендер на општина Куманово, а заловувањето го спроведуваат стручни екипи од ветеринарно-сточарскиот центар „Тодор Велков“.
Тендерот тече од јуни минатата година и ќе се спроведува до 26 јуни годинава, за што општината одвои 900.000 денари.Од секторот информираат дека очекуваат наредниот тендер да биде во вредност од милион денари.
– Кучињата кои се заловуваат се чуваат триесет дена во прифатилиштето, заловувањето и чувањето на кучињата и третманот што го добиваат чини околу 1.200 денари по куче, вели комуналниот редар Гордан Танвески.
Кучињата ги заловуваат стручно екипи од ветеринарниот центар, а потоа се носат на прифатлиште лоцирано во кумановското село Четирце, кое ги исполнува сите законски стандарди и има капацитет за сместување на 40 –тина кучиња.
Од секторот информираат дека имаат склучено Меморандум за соработка со „Анима Мунди“ и согласно Меморандумот предвидено е да се изгради парк кој ќе биде наменет само за домашните миленичиња. Инаку, последниве десетина година во Куманово беа реализирани над десетина акции за заловување на кучиња скитници.