Во Куманово денеска гласаат болните и изнемоштените лица, како и осудените лица во затворот К’шање.
Како што информира претседателката на Oпштинската изборна комисија, Виолета Арсовска денеска гласаат 272 болни и изнемоштени лица, од кои девет гласаат само за парламентарните, а останатите гласаат и за паламентарните и за вториот круг од претседателските избори. Гласањето на овие лица го спроведуваат 88 избирачки одбори.
– Право на глас во општина Куманово имаат 90.560 лица заедно со дијаспората, од кои 89.999 лица од општина Куманово ќе гласаат утре на 167 избирачки места. Изборниот материјал е доставен до избирачките одбори и завршени се техничките подготовки, вели Арсовска.