Во моментов во Куманово активни се 343 случаи на заболени од Ковид-19, а за една недела регистрирани се 74 позитивни случаи на Ковид 19, информираа денеска од Општинскиот кризен штаб.
– Во период од 25.01. до 31.01.2021 година во општина Куманово регистрирани се 74 позитивни случаи на Ковид-19, а моментално има 343 активни случаи. Апелираме до граѓаните да ги почитуваат сите мерки и препораки од Владата, поточно, социјална дистанца од два метра, носење на заштитни маски и да нема групирање на отворено, како и во затворени простории, се наведува во соопштението на Штабот кој денеска го одржа 62-от состанок.