На 9-ти август во 11 часот на Крушевско Езеро за првпат ќе се одржи маратон во пливање во должина од 2,5 км, во организација на пливачкиот клуб Вардар 2018 и со поддршка на општина Крушево. Маратонот го носи името на Тоше Проески.
Организаторите велат дека се надеваат на успешен маратон, кој ќе стане традиција во нашата земја.
„Ова е нова атракција во Крушево, нова причина многу туристи да дојдат тука. Крушевското Езеро е особено популарно откако се асфалтира патот до него и секојдневното одржување на патеките за трчање и возење велосипед носи многу луѓе тука. Ги поканувам сите да не посетат за Манифестацијата НКС „Десет дена Крушевска Република и воедно да го проследат овој нов тип на настан во Крушево во недела“, вели градоначалникот на општина Крушево, Томе Христоски.