Граѓаните на Крива Паланка непријатно се изненадени од веста за енормно зголемување на комуналните услуги и тоа на само два месеци по локалните избори.
Велат дека вакво однесување од локалната власт не очекувале.
Власта на ВМРО-ДПМНЕ, предводена од градоначалникот Арсенчо Алексовски реши сите комунални услуги да се зголемат неколкукратно, на штета на и онака тенкиот буџет на граѓаните.
Така, водата од 17 е зголемена на 24 денари или за 41 %. Водата за стопанството е зголемена од 26 на 38 денари (46%), ѓубрарината е покачена од 143 на 230 денари. Канализацијата е покачена за 50 %, гробарината е покачена од 300 на неверојатни 500 денари, се на се кривопаланчани од денес па натаму ке плаќаат повисоки сметки за 55 %.