На денешната крводарителска акција која се одржа во големата сала на локалната самоуправа на општина Крива Паланка собрани се триесет и осум единици крв.
Акцијата е во организација на Црвен крст, Крива Паланка, а се реализира во соработка со Институт за трансфузиска медицина, Скопје.
– И покрај топлото време одзивот на граѓаните е одличен, со оглед на паузата која ја направивме поради создадени залихи во институтот. Сите хумани граѓани кои даруваа крв на акцијата добија и бесплатни биохемиски анализи, информира Дарко Пешовски, секретар на ОО Црвен крст, Крива Паланка.
Заклучно со денешната, десетта по ред акција годинава, според него, на подрачјето на општините Крива Паланка и Ранковце досега се собрани вкупно 489 крвни единици.
Одговорните ја најавија и следната акција месецов, која ќе се одржи во општина Ранковце.