Развивање на генералната рамка на методологијата за распределба на средства од буџетот на општината за поддршка на граѓански здруженија беше темата на денешната работилница што се одржа во Градскиот музеј, Крива Паланка, на која присуствуваа дваесетина преставници од здруженија на граѓани од различни области кои дејствуваат на подрачјето на општината.
Настанот е дел од проектот „Силни граѓански здруженија за позитивни социјални промени“ кој го имплементираат Фондација за развој на локалната заедница, Штип, Центар за одржлив развој „Алка“ и Институт за развој на заедницата, а е финансиран од Европската унија.
Целта на проектот е зголемување на влијанието на локалните граѓански организации во процесите на донесување на одлуки за позитивни социјални промени. Тоа ќе се реализира со креирање транспарентни и отчетни процедури од локалните самоуправи за финансирање на граѓанските организации од буџетите и стимулирање нивно пресликување во локалните самоуправи.