Нова мода во Македонија-сега некои градоначалници почнаа и да се потпишуваат и на тоа што го изградиле не со свои, туку со народни пари. На фонтаната во Крива Паланка, поставена е плочата со информации за плоштадот.
На неа пишува: -Плоштад Карпошово востание. Изграден во текот на 2014 година. Кога градоначалник на општината е Арсенчо Алексовски. Од СДСМ реагираат на ваквото однесување на градоначалникот.
– Сите великани и херои ги величи историјата.
Преседан е она што се појави на градскиот плоштад во Крива Паланка. Градоначалникот Арсенчо Алексовски сам си постави плоча, што е врв на самобендисаноста и малициозноста на оваа власт.
Како да плоштадот е изграден со негови лични а не со народни пари, велат од партијата.