Дирекцијата за заштита и спасување, од локација кај спортската сала во близина на центарот во Крива Паланка, дислоцираше четири парчиња минофрлачки гранати од Втората светска војна, со калибар од 60 милиметри.
Акцијата, по претходна дојава од страна на Полициската станица од општа надлежност – Крива Паланка, ја спроведоа пиротехничарот Гоце Илиќ од Подрачното одделение за заштита и спасување Куманово и неговиот помошник асистент Тони Велиновски од Подрачното одделение за заштита и спасување-Крива Паланка, кои ги дислоцираа овие неексплодирани убојни средства, ги транспортираа и ги складираа во наменскиот магацин во с.Проевци,Куманово.
Дирекцијата за заштита и спасување, и покрај лимитираните ресурси, продолжува најпрофесионално да ги извршува своите задачи за заштита и спасување на населението.