Во Кочанско се очекува принос од 12.000 до 14.000 тони арпа ориз

Од:

Земјоделските стручњаци од Кочанско оценуваат дека условите за вегетација на оризовата култура во изминатиот период беа речиси идеални, и најавуваат дека доколку времето се стабилизира од аспект на температурите, годинава може да се очекуваат надпросечни приноси. Вкупни приноси се очекува да се движат помеѓу 12.000 и 14.000 тони арпа од насеаните 250 хектари.

Кочанските оризови полиња постепено пожолтуваат, што значи дека културата веќе е во фаза на зреење. Она што може да се види на терен задоволува, бидејќи класот е со голем број зрна.

– Оризовата култура одлучно напредува, што е убава најава дека за десетина дена ќе имаме и жетва кај оние сорти ориз со пократок временски период на вегетација. Приносите годинава ќе бидат задоволителни, истакнува Добре Андов, од Институтот за ориз во Кочани.

Според него оправдани се покажале рестрикциите пред сеидбата на површините со ориз, кои биле преполовени. Во текот на наводнителната сезона, рече тој, се покажа дека акумулацијата Калиманци брзо се празни, бидејќи само по десниот магистрален канал летово се испуштаа максимални количини од над 11 кубици вода во секунда.

-Ниското ниво на водите во реките кои се под просекот за овој период од годината, не се доволни да ги наводнат површините покрај речните корита, а камо ли да ги наполни акумулациите, рече Андов.

Оризопроизводителите од Кочанско пред жетвата на новата реколта се загрижени за состојбите со прометот со оризот и особено со цените, бидејќи во последните месеци нема никакво позитивно поместување во таа насока.

Би можело да ве интересира

Спасовски до Кочовска: Дали има одлука за исплата на средства за семејствата на загинатите и повредените во Кочани?

Седми „Марш за ангелите“ во Кочани: Нашиот молк зборува повеќе од илјада зборови, но нема да трае вечно како вашето судење

Посебен режим на сообраќај во недела од Средно Водно до манастирот Св.Пантелејмон

Утре ќе биде изменет сообраќајниот режим на експресниот пат Штип – Кочани

„Марш за ангелите“ во Кочани: „Системот убива – институциите молчат“

Предраг Петровиќ

Обвинителството бара замена на мерката „притвор“ со „куќен притвор“ за поранешен министер за економија и државен секретар за трагедијата во Кочани