Под мотото „Време е за свет без туберкулоза” во Кичево се одржува „Неделата на борба против туберкулоза” и тоа главно преку онлајн комуникација.
– Преку одбележување на Неделата на борба против туберкулозата во Кичево сакаме да ја подигнеме јавната свест за важноста на општото здравје, социјалното и економско влијание на туберкулозата и да го поттикнеме забрзувањето на напорите за ставање крај на глобалната епидемија на туберкулоза ,вели Бесник Селими од Општинската организација на Црвениот крст во Кичево.
Тој додава дека иако туберкулозата е болест која може да се превенира и лекува, сепак таа и денес одзема човечки животи.
Луѓето со активна ТБ можат да заразат 5-15 луѓе преку близок контакт во текот на една година.
– Без соодветен третман, 45 проценти од ХИВ негативните лица со ТБ во просек и скоро сите лица со позитивни ХИВ наод ќе резултираат со смртен исход , вели Селими.