Во текот на изминатото деноноќие, според статистичките податоци на подрачјето на СВР Охрид, во Кичево шест лица не ја почитувале забраната за движење за време на спроведување на мерките за ограничено движење и заштита на граѓаните од ширење на коронавирус Ковид-19.Тие се приведени и против нив ќе бидат поднесени соодветни кривични пријави.
Во истиот период, не се евидентирани кражби и нема регистрирано нарушување на јавниот ред и мир.
На подрачјето на СВР Охрид, евидентирани се вкупно 290 лица во изолација, од кои 21 во Кичево. Од страна на полициски службеници извршени се 76 контроли кај лица во изолација, а 10 се во Кичево.
Моментно, вкупниот број на лицата во самоизолација изнесува 930 лица, од кои во Кичево 145.
Полициските службеници извршија 37 контроли на угостителски објекти.