Денеска во 11:20 часот, полицајци од ОВР Кичево го привеле Х. Ф. (41) од с. Горно Строгомиште, кој се барал со потерница од КПУ Затвор Прилеп, од каде избегал, соопшти МВР.
Осуденикот треба да доиздржи казна затвор во траење од една година, еден месец и 20 дена за сторено кривично дело предвидено со член 215 од Кривичниот законик (Неовластено производство и пуштање во промет на наркотични дроги, психотропни супстанции и прекурсори).
Затвореникот е вратен во прилепскиот затвор, велат од полицијата.