За бањско лекување за годинава во општина Кичево пријавени се 218 пензионери. Предност ќе имаат пензионерите кои имаат помала пензија и во изминатиот период не ја искористиле можноста бесплатно да престојуваат во некоја од македонските бањи.
Осма година по ред пензионерите ќе имаат можност бесплатно да заминат на бањско-климатска рекреација во дебарски бањи, во период од седум дена. Покрај престојот во бањата, овие пензионери ќе имаат и три бесплатни оброци, терапија и платен лекарски преглед, како и повратен билет до бањата и назад.
– Според критериумите, на бањска-климатска рекреација ќе можат да заминат оние пензионери кои досега не ја користеле оваа поволност и припаѓаат во групата на пензионери со пониски пензии. Пензионерите на бањско лекување ќе се упатуваат од средината на април месец поточно од 22 до 28 и втората група од 28 до 4 мај. Ќе заминат вкупно 46 пензионери, а за секоја група ќе биде обезбеден и превоз во обата правца. Од нашето здружение, пензионерите на бањско-климатска рекреација се упатуваат во Дебарски бањи. Инаку ова поволност ја овозможува Министерсвото за труд и социјална политика, изјави Ристо Попоски, раководител на Подрачното одделение на ПИОМ за Кичево.