Eсенските крводарителски акции денеска стартуваа низ средните училишта во Кавадарци. Крв даруваа средношколците од четврта година при гимназијата “Добри Даскалов” од овој град, при што беа собрани 41 крвна единица.
– Според законот крв можат покрај полнолетните, да даруваат и средношколци со полни 17.5 години, но со претходно потпишана согласност од родител, нагласи Димитар Каракулев, претседател во Општинската организација на Црвениот крст Кавадарци.
Акцијата беше реализирана во соработка со Центарот за трансфузиона медицина. Каракулев нагласува дека по гимназијалците во наредните денови доброволно ќе даруваат крв средношколците од „Киро Спанџов Брко” и „Ѓорче Петров”.