Случаен минувач денеска во 13.20 часот пријавил млад човек кој лежел во бесознание во патничко моторно возило на улицата „Шишка“ во Кавадарци.
– Полицијата излезе на местото, а истовремено повикана е и кавадаречката итна медицинска помош со која лицето било пренесено во болницата. Лицето било неконтактибилно. Полицијата работи на утврдување на идентитетот на лицето и околностите во кои паднало во бесознание, изјави Анита Стојковска, портпарол во СВР Велес.