Акција за превенција од тешки кражби за време на новогодишните празници, спроведоа инспекторите од Отсекот за превенција при СВР Велес и Полициска станица од општа надлежност Кавадарци.
Акцијата во која беа делени флаери со едукативна содржина се реализираше вчера, а денеска инспекторот за превенција Димитар Каракулев информираше дека целта е, да се заштитат кавадарчани кои празниците ќе ги поминат надвор од своите домови, бидејќи во такви услови, тие стануваат мета на криминалци.
Покрај на случајните минувачи, флаери беа поделени и во осигурителните компании во кои обезбедуваат патничко осигурување лицата кои ќе патуваат во странство. Посетени беа и туристичките агенции.