Во Кавадарци 93 лица заболени од грип се регистрирани во Центарот за јавно здравје од почетокот на сезоната во која се јавува ова вирусно заболување досега, информира за МИА доктор Ристе Јовановски, епидемиолог во центарот.
– Најмногубројни се пациентите со грип на возраст од 15 до 64 години, ги има 57.
Дваесет и седум од евидентираните грипозни пациенти се на возраст од 5 до 14 години. Најмалубројни меѓу грипосаните се децата до 4 години, вели Јовановски.
Од октомври лани кога започна сезоната на грип, нагласува докторот, вирусот нападна најмногу пациенти во јануари.