Во источна Македонија девет возила за јавен превоз исклучени од сообраќај

Од:

Секторот за внатрешни работи-Штип вчера при спроведената акциска контрола на патиштата во источна Македонија од сообраќај исклучила девет автобуси или комбиња, што вршат јавен превоз на патници, а на истите им се издадени и девет прекршочни патни налози.

Портпаролот на СВР-Штип, Гордана Панајотова информира дека во акциската контрола биле контролирани 80 автобуси и други возила кои пренесуваат патници.

–Шеесет и две возила се упатени во станица за технички преглед. При контролите констатирани се неправилности, односно кај шест е утврдена неисправност на уред за запирање, кај две неисправен уред за управување, додека кај еден неисправни останати уреди. Преземени се вкупно 18 мерки по горенаведените прекршоци, односно девет се исклучени од сообраќај и издадени се девет прекршочни платни налози. Санкционирани се и 33 останати прекршоци, вели Панајотова.

Таа истакна дека и во наредниот период ќе имаат ваква акциска контрола низ патишта во источна Македонија.

Би можело да ве интересира

Кривична пријава против поранешен началник и помошник директор во МВР

А1он

МВР: Кривична за 38-годишен скопјанец кој со нож си ја уби невенчаната сопруга

Горан Наумовски

Кривични пријави против екс вработени во МВР за злоупотреба на службена положба и овластување

А1он

Возел со 2,28 промили алкохол во крвта, бегал од полицијата

Лекари, вработени во клиники, адвокати меѓу осомничените за измамите со парите за туѓа нега и инвалидски пензии

Катерина Ѓуровски

МВР поднесе кривична за директор од Делчево, им дозволил на вработените да возат нерегистрирани возила