Врнежите од дожд кои изминативе 24 часа го зафатија гостиварското подрачје, предизвикаа проблеми во водснабдувањето, а некои делови од градот има поплавени улици и домови. Граѓани од населбите Циглана, Равен и Бањешница утрово побарале помош од локалната самоуправа за справување со надојдената вода.
Од општина Гостивар информираат дека екипи на јавното комунално претпријатие излегле на и интервенирале на канализацијата за да се надмине состојбата.
– Станува збор за проблем со кој жителите од еден дел на улицата Драге Тодоровски се соочуваат повеќе години. Водата навлегла само во подрумите на неколку куќи и нема причинето поголеми материјални штети или проблеми со домувањето, изјави Фадиљ Хасани, општински советник за заштита и спасување.