Во месноста Катеринина чешма, која се наоѓа во пазувите на планината Кожув на потегот меѓу Гевгелија и Смрдлива вода, денеска се врши уништување на неексплодирани убојни средства,поради што е забрането движење на луѓе и добиток на ова подрачје.
– На ова подрачје вчера при пробивање шумски пат беше пронајден подземен склад со 400 артилериски гранати со калибар 75 милиметри,останати од времето на Првата Светска војна.Поради нивно уништување до 16 часот денеска ќе биде блокиран целиот терен каде се уништуваат гранитите, изјави Мите Ташков од Дирекцијата за заштита и спасување во Гевгелија.
Ташков нагласи дека уништувањето на гранитите ќе го врши пиротехничка екипа од Дирекцијата за заштита и спасување,а сообраќајот на патот Гевгелија-Смрдлива вода дополнително ќе го обезбедува екипа на Министерството за внатрешни работи.