Министерката за правда проф. д-р Рената Дескоска денес имаше средба со заменик помошникот државен секретар на САД за Европа и Евроазија, Метју Палмер, кој престојува во работна посета на Република Македонија.
На средбата се дискутираше за реформската агенда на Министерството за правда, а во фокусот на средбата беа реформите за борбата против корупцијата, како и измените на законите кои следуваат во наредниот период, од кои се очекува да ја зајакнат и гарантираат независноста, самостојноста и непристрасноста на судството.