Полицијата извести дека во изминатите 48 часа две жени побарале помош од скопската полиција бидејќи биле жртви на семејно насилство.
Вчера во 21.20 часот од полициски службеници ги уапсиле Ш.Ф.(34) и И.Ф.(67), двајцата од Скопје. Тие во домот во скопско село физички ја нападнале 44-годишната невенчана сопруга, односно снаа.
Денеска пак во осум часот уапсен е Д.Ј.(58) од Скопје, поради тоа што во домот во скопско село физички ја нападнал неговата 47-годишна сопруга.
Од полицијата велат дека по целосно документирање на двата инцидента ќе следат соодветни пријави.