Градоначалник на општина Дојран во наредните четири години ќе биде Борче Стамов, кандидат на локалните избори од коалицијата „За подобра Македонија“ предводена од ВМРО-ДПМНЕ.
Според резултатите од Општинската изборна комисија за Стамов гласале 1.278 избирачи од 2.296 колку што излегле на гласање на осумте избирачки места во општина Дојран. Процентот на излезност изнесува 83% од запишаните 2.757 гласачи.
Кандидатот на „Сојузот за иднината“ Никола Ајцев доби 941 глас, за Коста Гогов од СДУ гласале 26, а за Благој Кортов од СДСМ само пет гласачи.
Новиот совет на општина Дојран ќе биде составен од девет советници од кои шест од коалицијата „За подобра Македонија“ и тројца советници од коалицијата „Сојуз за иднината“.