Приносот по пчелно семејство годинава се очекува да биде помалку од пет килограми мед, а според статистичките податоци, лани приносот изнесувал седум килограми, додека во добрите години една пчелна кошничка создавале и до 20 килограми мед.
Овие податоци ги потенцираше проф. д-р Хрисула Кипријановска од Фактултетот за земјоделски науки во Скопје на трибината „Употреба на пестицидите и заштитата на пчелите“ што се одржа во Делчево, а беше наменета за овоштарите и пчеларите од Делчево. Кипријановска истакна дека климатските промени кои се глобаен проблем најмногу удираат по здравјето на пчелите предизвикувајќи намален принос, но и смртност.