Во општина Дебар, во трката за градоначалничкото место се тројца кандидати, двајца предложени од политичка партија и еден независен кандидат.
На сите тројца ова име е првпат да учествуваат на локални избори.
– Кандидатури поднесоа Ружди Љата, од ДУИ, Меџит Дика од ДПА и Ибрахим Колари независен кандидат, изјави претседателот на Општинската Изборна Комисија, Адриан Марку.
Љата е дебарски муфтија, Дика е дипломиран машински инжињер во пензија, додека Колари е бизнисмен, кој повеќе од триесет години работи во САД а над десет години има свој бизнис и во Дебар. Според Марку, за локалните избори се поднесени пет советнички листи и тоа две незвисни, односно предложени од група граѓани, потоа советничка листа предводена од коалицијата на ВМРО-ДПМНЕ, како и од ДУИ и од ДПА.
Советот на општина Дебар брои 15 советници.
