Изборниот тек во општините Дебар и Центар Жупа минува без никакви проблеми и споредено со утринските часови излезеноста се зголемува, потврдуваат од Општинсите изборни комисии.
Според Али Реџа, секретар на Општинската изборна комисија во Дебар до 13 часот своето граѓанско право го искористиле 3.863 гласачи или 22,8 отсто.
Во оваа општина, во единствениот избирачки список запишани се 16.948 граѓани со право на глас, а се гласа на 24 избирачки места.
Во општина Центар Жупа, според Шефко Јусуф, гласале 2.416 гласачи или 38,3 отсто.
Во единствениот избирачки список во општината запишани се 6.030 гласачи, а се гласа на 15 избирачки места.
