Под мотото „Поблиску до природата“, денеска во селото Богомила, во реонот познат како Азот, под планинскиот масив на Јакупица и Солунска глава, ќе се одржи 9. Саем за здрава храна.
На саемот чии организатори се Општина Чашка и ООУ „Патар Поп Арсов“ од село Богомила, изложувачи ќе бидат земјоделци од петнаесетина села од Општина Чашка. Тие ќе понудат еколошки произведени компири, мед, јаболка, ореви и други производи.
Саемот ќе биде збогатен со културно-уметничка програма и дегустација на здрава храна и домашни специјалитети.
Саемот на здрава храна првпат се организира во 2007 година.