Општинската изборна комисија-ОИК во Битола во законски утврдениот рок евидентира 7 кандидати за градоначалник и 8 листи за членови на Советот на општина Битола.
Во периодот определен за поднесување независна кандидатура за градоначалник потребните потписи со поддршка од група избирачи ги обезбедија Јорго Огненовски и Зоран Лазаревски-Паљо, кој воедно поднел и листа за членови на општинскиот Совет, информираат од ОИК-Битола.
Кандидат за градоначалник од ВМРО-ДПМНЕ е Владимир Талески, а од Народно движење за Македонија кандидат за градоначалник е предложен Љубомир Груевски.
Кандидатури за градоначалник до ОИК-Битола поднеле и Социјалдемократска партија на Македонија, Социјалдемократска Унија и Демократска партија на Албанците-ДПА.
Во Советот на општина Битола и во наредниот мандатен период ќе членуваат 31 советник, а за место во овој орган на локалната самоуправа конкурираат кандидатите од 8 листи за општински советници.
Од ОИК-Битола информираат дека во тек е процедурата на верификација на кандидатите за градоначалник и кандидатските листи за членови на општинскиот Совет.
На последните локални избори што се одржаа во 2009 година во Битола учествуваа 4 кандидати за градоначалник.