Во 10 града во земјава нема активни случаи на Ковид-19. Кавадарци, Свети Николе, Ресен, Берово, Пробиштип, Богданци, Демир Капија, Пехчево, Македонска Каменица и Дојран се без заболени од коронавирусот.
Најголем број активни случаи има во скопје, 126, а на ниво на целата држава актвни со 351 случај.
Во седум града има двоцифрен број заболени додека во останатите места бројката на активни случаи е едноцифрена.
Вчера беа регистрирани четири нови случаи, а во текот на последното деноноќи почина едно лице.
Досега во земјава се направени вкупно 851.408 тестирања на Ковид-19.
Вкупната бројка на дијагностицирани лица во нашата земја од почетокот на епидемијата изнесува 155.616, бројката на оздравени пациенти е 149.790, на починати е 5.475.