Сообраќајот на сите магистрални и регионални патни правци низ државата се одвива непречено, по наместа влажни коловози.
Поради оштетување на коловозот од надојдена вода од река Радика на патот Маврово – Дебар во близина на Бошков мост, сообраќајот наместо по една, сега се одвива по две коловозни ленти.
Сообраќајот на патниот правец Гостивар – Кичево преку мостот на 1,5 км пред Стража е нормализиран и е прооден за сите видови на возила, а прооден е и патот од Ресен до Охрид, преку националниот парк „Галичица“.
На патниот правец Гостивар – Маврово во близина на Ново Село, поради реконструкција на мост, сообраќајот се одвива регулирано со семафори и наизменично по една коловозна лента.
По минатонеделниот празничен викенд, денеска интензитетот на сообраќај на патиштата е умерен.