Внатрешна контрола при МВР ќе одлучи за возилата, БЈБ за распределба на вработените

Од:

Техничкиот министер за внатрешни работи, Наќе Чулев и неговата заменичка Славјанка Петровска се договорија Одделот за внатрешна контрола да утврди дали несоодветно се користеле возилата кои биле дадени на користење кај обезбедувањето на техничкиот премиер Оливер Спасовски, претседателот Стево Пендаровски и самата Петровска. Ова следува по петочната телеграма на Чулев да се одземат 35-возила, бидејќи, според него, биле користени за приватни потреби.

Внатрешна контрола ќе донесе одлука за повлекување на возила но и да се остават возилата кои се нужно неопходни за кабинетот и министерот, без притоа да се наруши секојдневното работење на службениците, одлучиле Чулев и Петровска.

„Истовремено беше констатирано дека во меѓусебна координација помеѓу организациските единици да се направи соодветна распределба на возилата, водејќи сметка за кабинетите на министерот и дополнителниот заменски министер“, соопштија од ресорното министерство.

Од однос на телеграмата со која Чулев ги укинува наредбите дадени од неговиот претходник Спасовски, од министерството известија решиле директорот на БЈБ да утврди дали има потреба од работници во организациските единици за кои тие имаат решенија.

„А1он“ веќе објави дека со укинувањето на наредбите од страна на техничкиот министер Наќе Чулев, утрово во кабинетот на претседателот Стево Пендаровски на работа се вратило обезбедувањето на Ѓорге Иванов, кое беше прераспределено во други одделенија на МВР.

Укинувањето на наредбите кое го направил Чулев направило хаос и во Министерството за внатрешни работи. Лицата кои работеле во единицата „Алфи“, која подоцна беше укината, а кои со потпис од Спасовски биле распределени во различни единици, не знаеле каде да се јават на работа со оглед на тоа што нивниот сектор повеќе не постои.

Би можело да ве интересира

Претепани две жени – тројца мажи им влегле со дрва и шипки во дворот, се заканувале со убиство и при апсењето

Тошковски за поништувањето на неговите наредби: Во влада се тотално неинформирани, како не им е срам

Орце Костов

Кривична за поранешен директор на Фондот за ПИОМ: Исплаќал плати на луѓе кои не доаѓале на работа

Горан Наумовски

МВР: Полицаец од Битола ја истепал невенчана сопруга и ја повредил

Налепниците НМК се одлепуваат – може да земете нови бесплатно, а ако ви се оштетат во странство на милост сте на граничарот

Анита Петровска Рајковиќ

Кривична пријава за полициски службеник за неовластено изработување, држење, посредување и тргување со оружје